ازاى نغير حياتنا وايه هى آليه التغيير ؟؟
 |
| اطلاق السهم نحو التغيير |
تعالوا مع بعض نشوف ازاى ممكن نغير من نفسنا الاول عشان بجد كلنا بنفكر في تغيير العالم من حوالينا وما حدش بيفكر فى تغيير نفسه .
- فى بدايه الامر لازم نكون حريصين جدا اننا نكون اصحاب شخصيات فذة وشخصيات ناضجة، وإرادة قوية، وعاطفة متوهجه ودين ثابت وقوى.
- نكون دايما مميزين بصفات مختلفه ورائعة، وأخلاقيات ممتازة ، وعادات ناجحة .
- نحاول أن يكون تفكيرنا دايما سليم وارائنا متزنه ، نكون حريصين دايما على اننا نفكر في أفكار سعيدة , نساعد نفسنا في أن نكون اصحاب أفكار رائعة وجديدة ومبتكره.
- زى ما بنحاول اننا يكون لينا مثل اعلى نقتدى بيه ، لازم احنا كما يكون هدفنا اننا نكون مثلاً أعلى لاشخاص اخريين ونكون نموذج ليهم حي من المبادئ والقيم السامية اللى لازم يتمسكوا بيها
آلية التغيير
ازاى ونعمل ايه عشان نتغير ونكون افضل فى عيوننا وفى عيون الاخريين.
احنا عارفين ان الشخصية بتتكون من مجموعة من العادات، و هذه العادات إما أن تكون عادات جيدة وسويه ، أو تكون عادات سيئة أو غير مستحبة.
* بالنسبه لانفسنا لابد ان نتخلص من عاداتنا السيئة التي تكون شخصيتنا غير الناضجة والتي بسببها نشعر بالعجز والفشل أمام أنفسنا و أمام الآخرين فعند التخلص منها سنشعر بفرحه وسعاده مالهاش حدود, والعكس صحيح.
* بالنسبه للاخريين لازم نغير من اسلوب وطريقه تعاملنا معاهم عشان تكون النظرة لينا اكثر ايجابيه واكثر احتراماً وعشان نكون فعلا اكثر قدرة على النجاح فى التعامل معهم وساعتها فعلا، ها تتحول حياتنا إلى حياة هادئة، ومتزنة.
على سبيل المثال يقول بعض الناس
سأتوقف عن التدخين عندما أبلغ سن الـ40 ، و بعضهم الآخر يقول
سأتوقف عن اسلوب العصبيه الشديده عندما أنجب حتى لا يراني أولادي فيقلدوني و بعضهم الآخر يقول سأبدا اصلى من يوم الجمعه القادمة وبعض الفتيات يقولوا سأتحجب من اول رمضان المقبل.
و بكدا بنفوت على نفسنا فرصة عظيمة فلماذا لا نبدأ الآن و ليس غداً.
إذا أردنا أن نتغير فيجب علينا أن نبدأ من الآن , دون أن نربط تغيرنا بحدث أو مناسبة أو وقت معين .
ومن هنا فاذا اردنا ان نتصالح مع انفسنا وننجح فى تعاملنا مع انفسنا يجب أن نتغير، و إذا أردنا أن ننجح في تعاملنا مع الآخرين يجب أن نتغير.
اذا كنا نقدر نغير من نفسنا ومن طريقة تفكيرنا ، ومنهج حياتنا ، فطبعا من السهل تغيير مجتمعنا والكون من حوالينا ، عارفين ليه ؟؟؟
عشان التغيير بيبدأ من الداخل .
0 التعليقات:
إرسال تعليق