حلم الشباب والفتيات فى الحصول على وظيفة سهل تحقيقه ام صعب

مشكلة البطالة والبحث عن عمل

البطالة بالرغم من الحصول على شهادات

احنا الشباب بنتخرج من الكلية أو الجامعة وطبعا بيكون عندنا امل اننا هنلاقى الشغل مستنينا وبتكون احلامنا احلام ورديه عن المستقبل واننا هانحقق وننجز ونعمل كل اللى نفسنا فيه ولكن وللاسف بنتصدم كلنا بالحقيقه المُرة وهى اننا من الصعب الحصول على وظيفه ومهما حاولنا ومهما دورنا بنفضل سنوات كتيره منتظرين الوظيفة بدون امل وبالتالى بندخل تحت مسمى العاطليين.

تعالوا نعرف اسباب انتشار البطاله

* أن الشباب مش بيلاقوا فرص العمل اللي بتتناسب مع قدراتهم وتخصصاتهم ومؤهلاتهم اللى حصلوا عليها.

* تعيين بعض الأشخاص في وظائف لا تتناسب مع مؤهلاتهم وتخصصاتهم نظرا لبعض التجاوزات مثل الواسطه.

* اننا بنلاحظ بعض اصحاب العمل الخاص يحرصوا على توظيف اقاربهم وافراد اسرهم على اعتبار ان القريب اولى من الغريب.

* عجز سوق العمل عن استيعاب الشباب الخريجين فهناك أعداد هائلة من الخريجين الحاصلين على مؤهلات بأنواعها المختلفة وبجميع التخصصات ومع ذلك يعجز سوق العمل عن توفير فرص العمل المناسبه لهم ولتخصصاتهم ومؤهلاتهم.

* انه لاتوجد فرص تدريبيه للشباب تتواكب مع ما يطلبه سوق العمل المتجدد والمتغير باستمرار في ظل الطفرة التكنولوجية.

* انتشار لدى الشباب ثقافة غريبة وهى احتقار العمل اليدوي العضلي والتقليل من شأنه وفي مقابل ذلك تمجيد العمل الذهني المرتبط بالوظيفة العمومية .

* تزايد عدد السكان سنويا وطبعا دا بيسبب ضغط على موارد الدولة وبتلاقى الدوله انه من الصعب تحقق فرص عمل لهذه الأعداد المتزايدة.

* توقف الدولة عن تشغيل الخريجين وتعيينهم واتجاهها نحو العمل الخاص الحر وذلك نظرا لتحول نظام الدوله للنظام الاقتصادى .

* التعليم لا يؤهل الخريجين للعمل في بعض التخصصات المطلوبة لان فعلا اللى بيٌدرس فى الجامعات والمعاهد غير المطلوب فى سوق العمل تماما.

انتظرونا فى الجزء التانى وبعض الحلول للقضاء على مشكلة البطالة