فين الهمه الرمضانيه

تعالوا مع بعض نشوف ازاى نبدأ يومنا وننهيه فى رمضان

1- نصلى الفجر والسنن ويفضل ان نحرص على صلاه الجماعه.

2- نقعد نقرا اذكار الصباح ونقرا جزئيين لغايه طلوع الشمس ونصلى ركعتى الضحى عشان ناخد ثواب العمرة والحج.


3- كل مننا يشوف هايعمل ايه اللى هايروح الشغل واللى ورا اى مشوار هايعمله .

4- صلاه الظهر والسنن القبليه والبعديه.

 5- نساهم فى اى عمل خيرى زياره دار مسنين او دار ايتام او نساهم فى اى عمل تطوعى او جمعيات خيريه نساهم فى افطار اسره فقيرة وطبعا ماننساش الصدقات او نقدم اى خدمه ولو صغيرة لاى حد حتى لو ابتسامه صغيرة تبتسمها فى وجه الناس.

6- صلاه العصر والسنن القبليه ونقول اذكار المساء.


7- قراءة جزئين من القران الكريم وبكدا ممكن نختم المصحف اربع مرات ان شاء الله.

8- بعد اذان المغرب نفطر ونصلى المغرب والسنه.

9- صلاه العشاء والتراويح.

10- قيام الليل والدعاء ونركز ياجماعه على الدعاء " سلاح المؤمن الدعاء" اطلبوا من ربنا كل اللى فى نفسكوا واخلصوا الدعاء.

11- اخيرا نحضر السحور ونتسحر لان زى ما رسولنا الكريم اوصانا بالسحور لما فيه من بركه

طبعا يومنا مش هايكون كدا بس لكن ممكن بين الصلوات نحضر دروس علم او نتفرج على برنامج هادف يعينا على طاعه ربنا ويثبتا

ونحاول كل يوم على الاقل نزور اقاربنا بنيه صله الرحم


وياريت كل واحد منا يعمل جدول يومى ويعلم على المهام اللى عملها واللى قصر فيها ويحاول انه يحافظ عليها تانى يوم وما يقصرش فيها ان شاء الله

اهم حاجه ان كل عمل نعمله نستحضرقبله نيه لله

وربنا يتقبل منا ومنكم لاتنسونى من صالح دعائكم

اعداد : راغدة الدهشان